ولا فى الأحلام حاميها حراميها ورايحه فين يا أمانه عند اللى يبددونى مش عارف والله اقول ايه تانى فى المقدمه دى بس لو فى أى مثل على الخروج عن الواجب لو فى اى مثل عن الخروج عن الشرف لو فى اى انسان بيدى قدوة سيئه فى محيطه يبقى هو ده موضوعنا .
والحكاية ببساطه ان السيده ف . ش مرض ابنها وطبعا قالت هتجرى بيه على الدكتور والدكتور اللى هما متعودين يكشفوا عنده اسمه محمد السنارى طبيب بمستشفى حميات شبين القناطر خدت ابنها واخت زوجها وراحوا بالواد على الدكتور وقال ايه الدكتور بعد ما كشف اداها الروشته وبعد ما خرجوا هى والطفل ومرافقتها بتفتح الروشته لاقت فى الروشته ورقة فتحت الورقه هى كانت فاكراها مككتوب فيها علاج للولد ولا حاجه لاقت ايه تقول لاقت ايه لاقت الدكتور كاتب ليها فى الورقة كلام حب وغزل معقوله دى اه والله ده اللى حصل والورقة مع السيدة المذكورة وبخط الدكتور طب يمكن ما يقصدش لا قاصد وهتعرفوا بعدين نرجع بقى نقول حزر فزر الدكتور الكبير اللى مفروض يعالج المرضى كاتب ايه كاتب بحبك لا اكتر شويه كاتب ايه انا بقى عشان مخلكوش تحتاروا هاكتبلكوا اللى هو كتبوا بالظبط ....
( انا مهووس بيكى باشوفك باتجنن باموت فيكى عايز اكلمك هاتجنن )
اه والله كتب كده والورقة موجودة يعنى اللى تروح تعالج ابنها او تتعالج الدكتور يتحرش بيها ويكتبلها جواب قلة ادب طب ده يبقى دكتور طب مين اللى يحاسب الدكتور على الواقعة دى وفين بتوع المحليات يا لهوى على بتوع المحليات اللى خربوها ومحدش بيحمى المواطن البسيط
ان التحرش بالمرأة مرفوض على كل المستويات ويجب معاقبة فاعله والعقاب فى هذه الحاله يجب ان يكون اشد لأن الفاعل ليس شابا يتجول فى الشوارع ويتحرش بالفتيات ولكنه طبيباً فعل ذلك فى مكان عمل ولم يبقى لنا بعد عرض الواقعة الا ان نتسائل من المسئولين ينتصر لتلك السيده
ليست هناك تعليقات:
إرسال تعليق